Fréttir

Á fundi sóknarnefndar Lágafellssóknar 19. febrúar var tekin ákvörðun um breyttan opnunartíma í safnaðarheimilinu að Þverholti 3. Safnaðarheimilið verður framvegis lokað á mánudögum. Þriðjudaga til föstudaga verður safnaðarheimilið opið frá 9:00 til 13:00 yfir vetrartímann.

Fimmtudaginn 21. febrúar kemur Ingibjörg Leifsdóttir hjúkrunarfræðingur sem sérhæfir sig í svefni ungbarna á foreldramorgna og verður með fræðslu um svefnvenjur ungar barna. Foreldramorgnar eru  haldnir í safnaðarheimilinu alla fimmtudaga milli 10 og 12. Þar er hætt á könnunni, léttar veitingar og frábær aðstað fyrir ungabörn bæði til að leika og sofa á svölunum okkar. Umsjón með foreldramorgnum hefur Rut G. Magnúsdóttir.

Næstkomandi sunnudag, 24. febrúar kl. 11, höldum við upp á 130 ára afmæli Lágafellskirkju með guðsþjónustu í kirkjunni og bjóðum í kirkjukaffi að athöfn lokinni í Safnaðarheimili Mosfellsprestakalls að Þverholti 3.

Frá þessum kristna helgistað verður að þessu tilefni horft til framtíðar. Hjá prédikara dagsins, Arnfríði Guðmundsdóttur, prófessor í guðfræði verða umhverfismál í öndvegi og framtíð okkar og komandi kynslóða. Diddú syngur ásamt kórnum okkar og Íris Torfadóttir og Selma Elísa Ólafsdóttir, spila á fiðlu. Prestar og djákni safnaðarins, sr.Ragnheiður Jónsdóttir og sr. Arndís Linn Bernhardsdóttir og Rut G.Magnúsdóttir,  þjóna fyrir altari og Þórður Sigurðarson, organisti stjórnar söng og spilar undir. Komdu fagnandi með þínu fólki!

Síðastliðna helgi fór Æskulýðsfélagið Sound í skemmtilega ferð í vatnaskóg á febrúarmót ÆSKR. Á mótinu voru 140 manns úr ýmsum æskulýðsfélögum af stór höfuðborgarsvæðinu og nágreni. Á mótinu var boðið uppá fjölbreytta og skemmtilega dagskrá, til dæmis má taka spurningakeppni, leiki, spil, hoppukastala, heita potta ball, kvöldvökur og góðan frjálsan tíma til að kynnast hvort örðu og eiga gott samfélag. Erna Kristín áhrifavaldur og prestnemi var með fræðslu á mótinu um jákvæða líkamsímynd og mikilvægi hennar, einnig var efnið vel litað af kristnum boðskap og gildum. Við erum öll undursamleg sköpun Guðs, hvernig sem að við lítum út.

Safnaðarheimili Lágafellssóknar verður lokað mánudaginn 18. febrúar vegna veikinda.

Guðsþjónusta næsta sunnudags, 17. febrúar verður að þessu sinni í Mosfellskirkju þó ekki sé síðasti sunnudagur mánaðarins. Ástæðan er sú að þann 24. febrúar á Lágafellskirkja 130 afmæli og til stendur að fanga þar!. Guðsþjónustan þann 17. febrúar verður kl: 11:00. Sr. Arndís G. Bernhardsdóttir Linn leiðir helgihaldið og prédikar. Kirkjukór Lágafellssóknar syngur undir stjórn Þórðar Sigurðarsonar. Meðhjálpari er Hildur Backman.

Í tengslum við kærleiksviku í 11 – 17. febrúar í Mosfellsbæ verður heilunarguðsþjónusta í Lágafellskirkju fimmtudaginn 14. febrúar kl. 20:00. Heilunarguðsþjónustur hafa verið haldnar í kirkjunni í nokkur ár undir yfirskriftinni , Leyfðu höndum Guðs að snerta við þér. Vigdís Steinþórsdóttir leiðir hóp heilara og er hún einn af skipuleggjendum kærleiksvikunnar. Svava Kristín Ingólfsdóttir söngkona og Þórður Sigurðarson organisti sjá um hugljúfa og nærandi tónlist. Sr. Arndís G. Bernhardsdóttir Linn leiðir helgihaldið og Hildur Backman er meðhjálpari. Í guðsþjónustunni leggjum við hvort annað og okkur sjálf í hendur Guðs með tilbeiðslu, handayfirlagningu, söng og smurningu. Verið öll hjartanlega velkomin.

Kvöldguðsþjónusta kl.20. Sr. Ragnheiður Jónsdóttir þjónar fyrir altari og flytur hugvekju. Rut Magnúsdóttir, djákni aðstoðar. Kirkjukór Lágafellskirkju syngur og leiðir almennan safnaðarsöng, undir stjórn Þórðar Sigurðarsonar, organista. Kirkjuvörður Kolfinna Rut Schjetne.
Velkomin
Sunnudagaskóli kl.13 undir stjórn Berglindar og Þórðar. Komið fagnandi!