Barnakór Lágafellssóknar
Æfingar hefjast mánudaginn 2. september 2024 og verða í safnaðarheimili Lágafellssóknar að Þverholti 3.
Í september tökum við á móti börnum sem langar að prófa kóræfingar. Endilega sendið póst til Valgerðar kórstjóra ef barnið vill koma á prufuæfingu.

1. – 3. bekkur: Kóræfingar á mánudögum kl. 16:20 – 17:00

Verkefni kórsins í vetur: Við æfum saman ýmis skemmtileg lög, förum í leiki og njótum samverunnar.
Við syngjum reglulega við messur í Lágafellskirkju, heimsækjum dvalarheimili, tónleikar ofl.
Kórastarf felur í sér: Frábært tónlistaruppeldi, mikla gleði, upplifun og einbeitingu, þjálfun í samvinnu og framkomu.

4. – 7. bekkur: Kóræfingar á mánudögum kl. 17:10 – 18:00 – ATH: Breytt tímasetning!

Verkefni kórsins í vetur: Við æfum saman fjölbreytt lög og texta, syngjum keðjusöngva og röddum.
Við syngjum reglulega við messur í Lágafellskirkju, tökum þátt í kórahittingum, heimsækjum dvalarheimili, tónleikar ofl.
Við förum stundum í leiki, syngjum í hljóðnema og leggjum upp úr skemmtilegri samveru.
Kórastarf felur í sér: Frábært tónlistaruppeldi, mikla gleði, upplifun og einbeitingu, þjálfun í samvinnu og framkomu. 

Gjald fyrir hvora önn:
Haustönn 2024: 8.000 kr.
Vorönn 2025: 8.000 kr.
Veittur er 20% systkinaafsláttur. Til að skrá er best að skrá í gegnum skráningarkerfið okkar. Ef þörf krefur, ekki hika við að óska eftir styrk frá sókninni í netfangið rekstur@lagafellskirkja.is, til að barn/börn þitt/þín geti sótt kóræfingar með Barnakór Lágafellssóknar.

Umsjón: Valgerður Jónsdóttir, tónmenntakennari & söngkona. Henni til halds og traust er Sylvía Þórðardóttir, söngkona og nemi. Stundum kíkir organisti eða æskulýðsfulltrúi á kóræfingar þegar kórinn er að undirbúa eitthvað skemmtilegt! Nánari upplýsingar & fyrirspurnir veitir Valgerður á netfanginu: valgerdur@lagafellskirkja.is

Nánar um kórstjórann:

Valgerður Jónsdóttir er söngkona og tónmenntakennari frá Akranesi. Hún lauk tónmenntakennaraprófi frá Tónlistarskólanum í Reykjavík árið 2000 og lokaprófi í söng frá Tónlistarskóla FÍH árið 2004. Valgerður hefur lifað og hrærst í kórastarfi allt frá barnæsku. Hún hefur stjórnað fjölda kóra, bæði barna- og fullorðinna, í Danmörku og hér á Íslandi. Valgerður var Bæjarlistamaður Akraness 2021 og hefur gefið út mikið af eigin tónlist, m.a. bókina „Tónar á ferð-Söngbók“ sem inniheldur nýja tónlist í útsetningum fyrir barna- og ungmennakóra.

Það er mikill fengur fyrir Lágafellssókn að fá Valgerði í teymið okkar!