Tíu til tólf ára starf

TTT-starf er ætlað börnum á aldrinum 10–12 ára og er brú á milli barnastarfs og æskulýðsstarfs kirkjunnar. Þar fá börnin tækifæri til að eiga góða samveru, taka þátt í leikjum, fræðslu, verkefnum og umræðum um lífið og trúna í hlýlegu og öruggu umhverfi. Markmið starfsins er að efla vináttu, sjálfstraust og samfélagsvitund um leið og börnin kynnast starfi kirkjunnar á jákvæðan og lifandi hátt.

Hér í Lágafellskirkju höfum við verið að prófa okkur áfram með að bjóða upp á TTT í námskeiðsformi í styttri tíma í einu. 4-6 vikur í senn. Næstu námskeið verða auglýst þegar nær dregur.