Saga Lágafellskirkju hefst með konungsbréfi frá árinu 1774 þar sem skipað var að sameina Mosfells- og Gufunessóknir í eina. Þessi tilskipun var afturkölluð tveim árum síðar. Hugmyndin kom fram aftur rúmri öld síðar eða1886 þegar Magnús Stephensen, landshöfðingi, gefur út tilskipun um að sameina sóknirnar og leggja af kirkjurnar á Mosfelli og í Gufunesi en reisa nýja kirkju á Lágafelli.

Ný kirkja reis að Lágafelli og var hún vígð 24. febrúar 1889, fyrsta sunnudag í Góu, á konudaginn.  Hún er timburkirkja á steingrunni.

Vígsluár kirkjunnar, þ.e. 1889 voru íbúar sóknarinnar 403 á 53 heimilum. Árið 2026 eru íbúar sóknarinnar á 14. þúsund.

Endurbætur

Miklar endurbætur og viðgerðir hafa farið fram á kirkjunni í gegnum tíðina, þær mestu á árunum1955-6, en þeim lauk með endurvígslu síðara árið. Þá var kirkjan lengd um þrjá metra og kórinn bættist við– fram til þess tíma var enginn kór austur úr kirkjunni heldur stóðu altarið og ræðustóllinn á palli líkustum leiksviði uppi við austurvegginn. Heildarlengd kirkjunnar var þrjú gluggahöf. Þá var auk þess gert við hana skrúðhús norður úr kórnum. Settir voru nýir bekkir sem enn eru. Þeir hafa nú verið bólstraðir; kirkjan tekur  um 130 manns í sæti. Á hundrað ára afmæli kirkjunnar var tekin í notkun viðbyggingin norðan við kirkjuna.

Hér má finna sérrit um Lágafellsskirkju sem gefið var út í tilefni 120 ára afmæli hennar. Sérritið er fáanlegt í Safnaðarheimili Lágafellsskirkju.