Sunnudagaskóli er alla sunnudaga yfir veturinn kl. 13 en vorönnina 2023 verðum við í safnaðarheimilinu, Þverholti 3. Undantekningin á því er 5. mars og 30. apríl en þá verðum við í Lágafellskirkju. Foreldrar og börn sameinast í söng og gleði í kirkjunni. Fræðslan miðast við þarfir barnanna en allir geta notið með. Umsjón með sunnudagaskólanum hefur Bogi Benediktsson, æskulýðsfulltrúi.

Yfirleitt eru tvær slíkar kvöldguðsþjónustur á haustin og tvær eftir áramót.

Nánar upp Taize:

Taize-guðsþjónustu er að hluta til byggð upp eftir fyrirmynd guðsþjónustu frá bæna- og líknarsamfélagi í þorpinu Taize í Frakklandi. Þar er mikil áhersla lögð á einfalt form og einfaldan söng í guðsþjónustunni og gegnir endurtekning sálmanna sérstöku tilbeiðslu og íhugunar hlutverki.

Allt frá árinu 1940 hefur í Taize, byggst upp samkirkjulegt samfélag lærða og leikra, sem byggir á bæn og líknarþjónustu. Þangað kemur ár hvert fjöldi manna, sérstaklega ungt fólk frá öllum heimshornum, sem biður fyrir heiminum og fyrir hvert öðru undir leiðsögn bræðranna sem hafa helgað líf sitt þjónustunni, og þar syngur fólkið þessa einföldu sálma sem við munum syngja.

Stofnandi samfélagsins hét Roger, kallaður bróðir Roger frá Taize. Hann hafði fengið berkla sem ungur drengur og barist við þann sjúkdóm í mörg ár. Á þeim árum mótaðist hugsjón hans og köllun að búa til samfélag þar sem einfaldleiki og manngæska fengi að ríkja og væri lifandi vitni um boðskap Krists.

Hugsjón hans sem ungs manns, lifir og hefur borist langt út fyrir landamæri Frakklands.

Kvöldguðsþjónustur í anda Taize – samfélagsins hafa um margra ára skeið verið hluti af bænahaldi í Lágafellskirkju.