Skírn

Í heilagri skírn er skírnþegi tekinn inn í kirkju Krists. Í hinni evangelisk – lúthersku kirkju, sem Þjóðkirkjan er hluti af, er algengast að barn sé skírt meðan það enn er ómálga. Samkvæmt fyrirmælum Jesú Krists er barn skírt til nafns föður og sonar og heilags anda. Það er helgað Guði með Orði hans og bæn og ausið vatni.

Skírn í Lágafellskirkju

Meginreglan er sú að skírn fari fram í kirkju og að viðstöddum söfnuði eða fulltrúum hans. Þó er gömul hefð fyrir því á Íslandi að hægt sé að skíra utan kirkjunnar.

Skírn í guðsþjónustu

Þegar skírn fer fram í guðsþjónustu er skírnin hluti af helgihaldinu. Ekki kemur til auka kostnaðar foreldra skírnarbarns ef skírt er við almenna guðsþjónustu.

Skírn í kirkjunni utan guðsþjónustu

Skírnin fer fram í einkaathöfn í kirkjunni, ekki við hefðbundna guðsþjónustu. Ef stærð athafnarinnar krefst viðveru kirkjuvarðar er innheimt gjald vegna þess samkvæmt verðskrá kirkjunnar.

Skírn í heimahúsi

Skírnarathöfnin fer fram í heimahúsi í samráði við viðkomandi prest. Greitt er fyrir þessa þjónustu samkvæmt gjaldskrá þjóðkirkjunnar.

Skírnarkjóllinn

Gömul hefð er fyrir því að barnið sem skírt er sé fært í hvítan skírnarkjól sem er tákn fyrirgefningar syndanna. Kjóllinn er síður, sem táknar það að skírnarbarnið á að vaxa í trú, von og kærleika.

Skírnarvottar

Aðstandendur velja barninu skírnarvotta. Skírnarvottar eru aldrei þau aldrei færri en geta mest verið fimm. Æskilegt er að í það minnsta eitt guðfeðginana sé á þeim aldri að það geti fylgt barninu eftir til fullorðinsára.