Sóknarnefnd Lágafellssóknar hefur ákveðið að ráða Þórð Sigurðsson í starf organista við sóknina.

Þórður hefur starfað frá 2015 sem organisti og kórstjóri við Norðfjarðarsókn en áður var hann organisti og kórstjóri í Langanessókn. Þórður hefur verið  leiðtogi og hljóðfæraleikari í sumarbúðum KFUM&K og unnið bæði í Kaldárseli og Vatnaskógi. Þórður hefur sérstakan áhuga á eflingu tónlistarþátttöku ungs fólks í kirkjunni með fjölbreyttum hætti.

Hann er stúdent úr MH og með kirkjuorganistapróf frá Tónskóla Þjóðkirkjunnar. Auk þess er hann með diplóma í rytma tónlist frá Viken Folkhögskole for Musikk og stundaði nám við The New School for Jazz and Contemporary Music í New York. Þórður mun hefja kantorsnám við Tónskóla Þjóðkirkjunnar í haust.

Þórður hefur störf 15. ágúst nk. og óska safnaðarnefnd, prestar og starfsfólk Lágafellssóknar honum innilega til hamingju og hlakkar til samstarfsins með honum.