Á þriðjudagsmorgnum hittumst við og förum yfir liðna viku sem og ræðum verkefnin fram undan. Þessir fundir gefast vel í öllum undirbúningi. Á myndina vantar nokkra úr okkar góða samstarfshópi.

Fram undan er Aðventukvöld Lágafellsóknar næsta sunnudag kl. 20:00. Aðventukaffi verður í safnaðarheimilinu á eftir. Fylgist með dagskrá desember mánaðar á samfélagsmiðlum og heimasíðunni lagafellskirkja.is

Á starfsmannafundum syngjum við alltaf sálma en í morgun sungum við sálm nr. 22:

1 Tveir englar horfa heiminn á

því himnadrottinn sendi þá

að flytja boðskap frelsarans

og feta hér í sporin hans.

2 Þeir villast oft því vandi er

að vera’ á ferð er rökkva fer.

En bliki stjarna’ á himni hátt

þeir halda stefnu’ í rétta átt.

3 Þeir birtast þar sem börn sjá til

og bera með sér ljós og yl.

Svo þegar allt er orðið hljótt

menn undrast þessa helgu nótt.

4 Tveir englar horfa heiminn á.

Þeir hingað komu til að sjá

í vetrarmyrkri vonarsól.

Nú verða aftur haldin jól.