Laus er til umsóknar staða Tónlistarstjóra í Lágafellssókn, Mosfellsprestakalli.   

Um er að ræða 100 % starfshlutfall. 

Starfið veitist frá 1. ágúst n.k. eða eftir nánara samkomulagi. 

Mosfellsprestakall þjónar rúmlega 14.100 íbúum. 

Tvær kirkjur eru í prestakallinu Lágafellskirkja og Mosfellskirkja. 

Í störfum við kirkjuna er lögð rík áhersla á samstarf og teymisvinnu. 

Við Mosfellsprestakall starfar teymi þriggja presta ásamt kórstjóra barnakórs, æskulýðsfulltrúa og leiðtogum í æskulýðsstarfi, kirkjuverði, framkvæmdastjóra og sjálfboðaliðum. 

Í Mosfellsprestakalli er fjölbreytt safnaðarstarf og messað hvern helgan dag. 

Stefnt er að öflugri uppbyggingu í tónlistarstarfi prestakallsins.  

Leitað er eftir einstaklingi sem er hvetjandi og býr yfir hæfni í mannlegum samskiptum.  Viðkomandi þarf að vera metnaðarfullur, hafa góða skipulagshæfileika, vera sveigjanleikur í starfi og vera virkur þátttakandi í teymi prestakallsins.  

 Starfsskyldur tónlistarstjóra eru m.a: 

• Bera ábyrgð á að byggja upp og stýra tónlistarstarfi prestakallsins.
• Hljóðfæraleikur við helgihald, athafnir og annað kirkjustarf.
• Stuðningur við annað safnaðarstarf, við presta og starfsfólk.
• Umsjón með hljóðfærum og hljóðkerfum í eigu kirkjunnar.

 Hæfniskröfur 

• Kirkjutónlistarmenntun frá Tónskóla Þjóðkirkjunnar eða sambærilegt nám.
• Reynsla af flutningi tónlistar við helgihald.
• Listfengi, frumkvæði og hugmyndaauðgi.
• Góð reynsla af kórstjórn.
• Sjálfstæði og öguð vinnubrögð.

Með umsókn skulu fylgja afrit af prófskírteinum og ferilskrá. 

Einnig skal leggja fram meðmæli um hæfni og reynslu af tónlistar- og kórastarfi ásamt stuttri greinagerð um fyrri störf og hvaða hugmyndir og framtíðarsýn umsækjandi hefur til starfsins. 

Launakjör, réttindi og skyldur eru samkvæmt kjarasamningi Launanefndar Þjóðkirkjunnar og Félags íslenskra organista FÍH/FÍO. 

Umsóknarfrestur um starfið er til og með 22. maí n.k. 

Nánari upplýsingar um starfið veita Jóhanna Ýr Jóhannsdóttir, framkvæmdastjóri Lágafellssóknar s. 897-3706 og séra Arndís G. Bernhardsdóttir Linn, sóknarprestur s. 8668947. Umsóknum skal skilað á netfangið lagafellskirkja@lagafellskirkja.is