Næsta sunnudag, 18. maí verður haldin guðsþjónusta í Lágafellsskóla kl. 20:00. Tilefnið er að fermingarbörnum komandi vors er boðið til guðsþjónustunnar og hefst skráning þeirra að guðsþjónustunni lokinni. Báðir prestar safnaðarins, sr. Ragnheiður Jónsdóttir og sr. Skírnir Garðarsson þjóna í athöfninni. Kirkjukór Lágafellssóknar leiðir safnaðarsöng undir stjórn Arnhildar Valgarðsdóttur organista. Arndís G. Bernhardsdóttir Linn og Hreiðar Örn Stefánsson aðstoða ásamt unglingum úr æskulýðsstarfi kirkjunnar. Að athöfn lokinni er boðið uppá kaffi, djús og kleinur.